Бұл нормаларда азаматтардың құқықтарын қорғауға басымдық беріліп, сонымен қатар елдің тұрақтылығы мен қауіпсіздігін қамтамасыз ету мақсаты үйлесімді түрде көрініс тапқан.
Азаматтықтың біртұтастығы мен теңдігі қағидатын бекіту әділетті қоғам қалыптастыру үшін шешуші мәнге ие. Бұл норма Қазақстан азаматтарының азаматтықты алу тәсіліне қарамастан, барлығының құқықтық жағдайы тең екенін айқындайды. Ол біртұтас мемлекетке тиесілілік сезімін нығайтып, әлеуметтік және құқықтық жіктелудің алдын алады. Жалпы алғанда, жаңа Конституция жобасындағы азаматтыққа қатысты нормалар Қазақстанның күшті, құқықтық және жауапты мемлекет құруға деген ұмтылысын көрсетеді. Оларды қабылдау және жүйелі түрде іске асыру қоғамдық келісімді, құқықтық тұрақтылықты және конституциялық реформаларға деген сенімді арттыруға ықпал етеді.
Ахтышхан Ханша
Ақкөл ауданы бойынша Халықаралық қазақ тілі қоғамы қоғамдық бірлестігі филиалының төрайымы