1995 жылғы Конституция ел тарихындағы ең ұзақ қолданылған құжаттардың бірі болды. Алайда оны қабылдаған уақыттан бері ішкі және сыртқы даму факторлары едәуір өзгерді. Бұл өзгерістер өзектілігін жоғалтқан жекелеген нормаларды қайта қарауды талап етеді.
Қазіргі қоғам цифрландыру жағдайында дамып келеді, бұл құқықтар мен бостандықтардың іске асырылуына тікелей әсер етеді. Конституцияда цифрлық құқықтарға қатысты нормалардың болмауы құқықтық негіз бен нақты қоғамдық қатынастар арасында алшақтық туындатады.
Сондай-ақ адам құқықтары мен азамат құқықтарының ара-жігін неғұрлым нақты ажырату мәселесі де өзекті болып отыр. Бұл ел аумағында өмір сүріп жатқан адамдардың әртүрлі мәртебесін ескеруге және неғұрлым әмбебап құқықтық тәсіл қалыптастыруға мүмкіндік береді.
Халықаралық ортадағы өзгерістерді ескеру де жаңа қағидаттар мен тетіктерді бекітуді талап етеді. Конституция тек ұлттық шындықты ғана емес, мемлекеттің жаһандық кеңістіктегі орнын да көрсетуі тиіс.
Ақкөл аудандық мәслихатының депутаты
Өмірбаев Бауыржан Досанұлы