Бұл – мемлекет ең жоғары деңгейде біздің дәстүрлеріміздің, тарихымыздың және рухани тамырымыздың құндылығын мойындайтынын білдіреді. Мұндай нормалар ұлттық бірегейлікті сақтауға, мәдени құндылықтар мен тілді келер ұрпаққа жеткізуге, сонымен қатар заманауи әлеммен байланысын үзбеуге мүмкіндік береді.
Сондай-ақ шығармашылық еркіндік ұғымының кеңейтілгені қуантады. Енді ол тек өнер саласын ғана емес, ғылымды, зерттеулерді, техникалық әзірлемелерді де қамтиды. Бұл кез келген жасампаз қызметтің маңызды әрі қолдауға лайық екенін көрсетеді. Мұндай көзқарас түрлі салаларды біріктіріп, идеялар мен таланттардың дамуына ортақ кеңістік қалыптастырады.
Жасанды интеллект мәселесіне қатысты ұстаным да ерекше назар аудартады. Технологиялардың қарқынды дамуына қарамастан, басты рөлді бәрібір адам – оның ақыл-ойы, жауапкершілігі мен құндылықтары атқаратыны айқын көрсетілген. Бұл – дұрыс әрі салмақты ұстаным. Жалпы алғанда, ұсынылып отырған нормалар мәдениет, ғылым және инновацияның үйлесімді дамуына әрі елдің болашағына қызмет етуіне бағытталғаны байқалады.
Ақкөл аудандық мәслихатының депутаты
Шарипова Сәлима Халелқызы