Жобада адам құқықтары мен бостандықтарын қорғауға, мемлекеттің әлеуметтік бағытын күшейтуге және елдің тұрақты дамуына қолайлы жағдай жасауға ерекше мән берілгені өте маңызды. Ұсынылып отырған нормалар мемлекет пен қоғам арасындағы ашық әрі тиімді диалогтың қалыптасуына ықпал етеді. Бұл өз кезегінде тұрақтылық пен қоғамдық келісімді нығайтудың маңызды шарты болып табылады.
Адам құқықтары мен бостандықтарын қорғау – жаңа Конституция жобасының негізгі басымдықтарының бірі болып табылады. Ұсынылып отырған нормалар құқықтық кепілдіктерді нығайтуға, заң алдында теңдікті қамтамасыз етуге және әрбір азамат өзін қорғалған әрі ертеңгі күніне сенімді сезінуі үшін қажетті жағдайлар жасауға бағытталған.
Сонымен қатар, әділдік қағидаттарын дамытуға, мемлекеттің әлеуметтік жауапкершілігін күшейтуге және адам қадір-қасиетін құрметтеуге ерекше көңіл бөлінеді. Мұндай тәсіл мықты азаматтық қоғамның қалыптасуына және мемлекет пен азаматтар арасындағы сенімнің нығаюына ықпал етеді.
Халықаралық «Қазақ тілі» қоғамы қоғамдық бірлестігінің Ақкөл ауданы бойынша филиалы төрайымы
Ахтышхан Ханша