«Өзіңізден бастаңыз!»: заңға бағынатын азамат болуға Ақкөл аудандық полиция бөлімінің құқықтық тәртіп сақшылары шақырады.
Полицейлер әрқайсымызды өз әрекеттерімізбен олардың салдары туралы ойлануға шақырады.
Өзімізден бастау — дегеніміз-біздің қоғамды жақсы жаққа өзгерте алатын дұрыс әрекеттерді саналы түрде жасау. Күн сайын біз ережелер мен заңдарды ұстануды немесе оларды елемеуді таңдаймыз.
Акция ішкі істер органдары қызметінің негізі болып табылатын «заң және тәртіп» қағидатын іске асыру шеңберінде өткізіледі. Қағидат азаматтардың қауіпсіздігін қамтамасыз етуге, аймақтағы қоғамдық тәртіп пен жол қауіпсіздігін қолдауға бағытталған. Әркім білуі керек, бұзушылар өз әрекеттері үшін міндетті түрде жауап береді.
— Біз азаматтарға, жүргізушілерге, жаяу жүргіншілерге, ата-аналар мен кәмелетке толмағандарға, біздің аудандағы шетелдік азаматтарға ел заңнамасын қатаң сақтау қажеттігі туралы үнемі еске саламыз. Жазаның мысалдары мен санкцияларын келтіреміз, заңнаманың талаптарын, олардың салдарын түсіндіреміз.
Дұрыс әрекет — бұл заңды сақтау ғана емес, сонымен бірге көршілерге қамқорлық жасау, айналасындағыларды құрметтеу және әділеттілікке ұмтылу.
Полицейлер әрқайсымыз қауіпсіз және достық ортаны құруда маңызды рөл атқара алатынымызды еске салады. Қарапайым нәрселерден бастайық: мейірімділік таныту, мұқтаж адамдарға көмектесу, басқалардың пікірін құрметтеу және біздің қоғамдастыққа белсенді қатысу.
Өзгерістер өзімізден басталады. Өзара көмек пен құрметке негізделген жақсы атмосфера өздігінен жасалмайтынын, бірақ әрқайсымыздан белсенді әрекеттерді қажет ететінін есте ұстауымыз керек.
Бұл бастамаға қосылыңыз және біз бірге барлығына жақсы болашақ құра аламыз!
Өзіңізден бастаңыз, заңды бұзбаңыз, тәртіпті сақтаңыз!
Ақкөл ауданының жастар ресурстық орталығы