Мемлекет басшысы алдағы жылдардағы басты міндет – экономиканы әртараптандыру және шикізатты терең өңдеуге көшу екенін нақты көрсетті.
Бүгінде бизнесті қолдау шаралары көбіне бытыраңқы сипатқа ие, бұл кәсіпкерлер үшін түсінбеушілік тудырады. Инвесторлар мен өндірушілер үшін бірыңғай жүйе мен түсінікті ережелер қажет. Әсіресе тау-металлургия кешенін дамыту аса перспективалы бағыт болып табылады. Сирек кездесетін металдар мен аса маңызды материалдарды өндіруде Қазақстан жаһандық тізбектерге лайықты орын алуға толық мүмкіндікке ие.
Сонымен қатар, көмірсутек шикізатын терең өңдеу жобаларына, Атыраудағы газ-химия кешенін және Павлодардағы сұйытылған газды өңдеу зауытын іске қосуға ерекше назар аудару қажет. Президент ұсынған тәсіл дәстүрлі шикізатты, соның ішінде ілеспе газды, жоғары қосылған құнға ие толыққанды экономикалық ресурсқа айналдыруға жол ашады.
Осылайша, Жолдау елімізге айқын бағдар береді: Қазақстан шикізаттық модельден инновациялық-индустриялық экономикаға көшуі тиіс, онда басты басымдық өндіріс сапасына және әлемдік нарықта бәсекеге қабілеттілікке беріледі.
Халықаралық «Қазақ тілі» қоғамы қоғамдық бірлестігінің Ақкөл ауданы бойынша филиалы төрайымы
Ахтышхан Ханша