Жаңа Конституцияның күшіне енуі Қазақстанның қазіргі заманғы тарихындағы аса маңызды оқиға болды. Кез келген мемлекеттік реформаның басты мақсаты – халықтың өмір сүру сапасын арттыру, азаматтардың әлеуметтік қорғалуына қолайлы жағдай жасау және әділетті мемлекет қағидаттарын одан әрі нығайту. Сондықтан жаңа Ата Заңның қабылдануы әрбір қазақстандық үшін ерекше маңызға ие.
Президент Қазақстан халқы елдің алдағы ондаған жылдарға арналған даму бағытын айқындап, тарихи таңдау жасағанын атап өтті. Бұл шешім қоғамның тұрақты дамуға, демократиялық институттарды нығайтуға, мемлекеттің азаматтар алдындағы жауапкершілігін арттыруға және мемлекеттік басқару жүйесін жетілдіруге деген ұмтылысын білдіреді.
Жаңа Конституцияның әлеуметтік сала үшін маңызы айрықша. Әрбір азамат өз құқықтарының сенімді қорғалуына, сапалы медициналық көмектің қолжетімді болуына және мемлекеттік саясаттың халықтың әл-ауқатын арттыруға бағытталуына мүдделі. Дәл осы қағидаттар еліміздің одан әрі орнықты дамуының берік негізіне айналып отыр.
Бүгінде денсаулық сақтау жүйесін жетілдіруге, отбасыларды әлеуметтік қолдауға, балалардың құқықтары мен мүдделерін қорғауға, аға буын өкілдері мен мемлекеттік қолдауға мұқтаж азаматтарға жан-жақты көмек көрсетуге ерекше көңіл бөлінуде. Осы бағыттарды дәйекті түрде дамыту мемлекеттік саясаттың маңызды басымдықтарының бірі болып табылады.
Жаңа Конституция қоғам мен мемлекет арасындағы өзара сенімді нығайтуға қосымша мүмкіндіктер береді. Заң үстемдігі, жауапкершілік, мемлекеттік органдар қызметінің ашықтығы және адам құқықтарын құрметтеу еліміздегі одан арғы реформалардың берік тұғырына айналуда. Мемлекет пен азаматтардың өзара тығыз ынтымақтастығы ғана тұрақты экономикалық өсімге, әлеуметтік тұрақтылыққа және халықтың әл-ауқатының артуына жол ашады.
Жаңа Конституцияның күшіне енуі әлеуметтік саланың одан әрі дамуына, қоғамдық келісімнің нығаюына және Қазақстанның әрбір азаматының өмір сүру сапасының артуына сенімді негіз болады деп сенемін.
Өмірбаев Бауыржан Досанұлы
Ақкөл аудандық мәслихатының депутаты