Әрбір мемлекет өзінің болашағын берік құқықтық негізге сүйене отырып қалыптастырады. Қазақстан үшін мұндай негіз – мемлекеттің құрылымдық қағидаттарын айқындайтын, азаматтардың құқықтары мен бостандықтарын бекітетін әрі елдің тұрақты дамуының кепілі болып табылатын Конституция. Жаңа Конституцияның күшіне енуі саяси жүйені одан әрі жетілдіруге және ұлттық бірлікті нығайтуға жаңа мүмкіндіктер ашады.
Қазақстан Республикасының Президенті еліміздің алдында қоғамның сеніміне, заң үстемдігіне және мемлекеттік институттардың жауапкершілігіне негізделген жаңа тарихи кезең ашылғанын атап өтті. Бұл қағидаттар тұрақты дамудың, азаматтардың әл-ауқатын арттырудың және мемлекеттің өркендеуінің басты шарттары болып табылады.
Конституцияның бейбітшілік пен қоғамдық келісімді сақтаудағы рөлі ерекше. Дәл осы құндылықтар қазіргі заманның түрлі сын-қатерлерін еңсеруге және елдің сенімді түрде алға қадам басуына негіз болады.
Сонымен қатар халықтың құқықтық мәдениетін арттыру маңызды бағыттардың бірі болып қала береді. Конституцияны білу, заңдарды құрметтеу және белсенді азаматтық ұстаным жауапты қоғамды қалыптастырып, мемлекеттің жан-жақты дамуына әрбір азаматтың тиімді үлес қосуына мүмкіндік береді.
Құланова Дания Маратқызы
жергілікті қоғамдастық мүшесі