2026 жылғы 23 тамызда Қазақстанда Құрылтай депутаттарының сайлауы өтеді. Бұл сайлау жаңа Конституцияның ережелеріне сәйкес елдің жаңа жоғары өкілді органын қалыптастырудағы маңызды кезең болмақ.
Қарапайым азамат үшін сайлау – ең алдымен ел мен қоғамның өміріне ықпал ететін шешімдер қабылдайтын өкілді органды қалыптастыруға қатысу мүмкіндігі. Сондықтан әрбір сайлаушы өз шешімінің маңызын түсінгені жөн.
Күнделікті өмірде кейде бір адамның дауысы ештеңені өзгерте алмайтындай көрінуі мүмкін. Алайда сайлау миллиондаған азаматтың жеке шешімдерінен құралады.
Әр адамның сайлауға қатысуы өкілді органды қалыптастыру кезінде қоғамның пікірін неғұрлым толық ескеруге мүмкіндік береді. Азаматтардың қатысуы неғұрлым жоғары болған сайын, дауыс беру нәтижесінде халықтың алуан түрлі көзқарастары мен мүдделері соғұрлым толық көрініс табады.
Сондықтан сайлауға қатысуды конституциялық құқық қана емес, азаматтық жауапкершіліктің бір бөлігі ретінде де қарастыруға болады.
Бұл жауапкершілік қарапайым әрекеттерден басталады: дауыс беру күнін білу, өз сайлау учаскеңіз туралы ақпаратты алдын ала тексеру, қолжетімді материалдармен танысу және өз шешіміңізді дербес қабылдау.
Алдағы 23 тамыздағы сайлау – Қазақстанның өкілді жүйесін қалыптастырудағы жаңа кезең. Ол жаңа Конституцияға байланысты өзгерістер жағдайында өтіп жатқандықтан, мемлекеттік институттардың одан әрі дамуы үшін ерекше маңызға ие.
Алайда ауқымды саяси өзгерістердің артында әрдайым қарапайым азамат – өз таңдауын дербес жасайтын сайлаушы тұрады.
Сайлауға қатысу үшін саясат немесе мемлекеттік басқару саласының маманы болу міндетті емес. Болып жатқан оқиғаларға қызығушылық танытып, ақпаратты сенімді дереккөздерден алып, өзгенің пікірін құрметтеп, өз таңдауыңа жауапкершілікпен қараудың өзі жеткілікті.
Сайып келгенде, мықты қоғам елінің қалай дамып жатқанына бейжай қарамайтын азаматтардан басталады.
23 тамызда әр азамат өзінің сайлау құқығын жүзеге асыруға мүмкіндік алады. Ал әр адамның саналы қатысуы елдің ортақ болашағын қалыптастыруға қосылған үлес болмақ.
Халықаралық «Қазақ тілі» қоғамы қоғамдық бірлестігінің Ақкөл ауданы бойынша филиалы төрайымы
Ахтышхан Ханша